İslamazeri.com İran mediasına istinadən xəbər verir ki, Əl-Əzhərin Şeyxi Əhməd Ət-Tayyib, deyib:

"Əsra və meracı inkar edən hər kəs bizə izah edilməlidir ki, Qurani-Kərimdə adı keçən "sidratül-muntəha" dünyanın harasındadır və yer üzündə haradadır? Əks halda Qurani-Kərimdə bu söz mənasız qalacaq.

O, bildirib ki, Qurani-Kərimin hədəf alınması məlum səbəblər və məqsədlərlə həyata keçirilir ki, bu da siyasi partiyaların həmin proqramlarla bağlılığını göstərir.

O, niyə yalnız Quran hədəf alınır sualının cavabında belə deyib: "Bunun səbəbləri aydındır, bu hərəkətin məqsədi və bunu edənlər məlumdur".

Ət-Tayyib, Qərbin Şərqi və ərəb dünyasını zəiflətmək üçün Qurani-Kərimi hədəf almağa maliyyə dəstəyi verdiyini vurğulayaraq bildirib: "Qərb yaxşı bilir ki, Quran müsəlmanlar üçün bir güc mənbəyidir və onlar tarixi daha böyük anlayışla oxuyurlar. Siyasi partiyalar da müsəlmanların güc mənbələrinə zərbə endirmək planları çəkirlər".

Əl-Əzhər Şeyxi: "Qərb İslam ümmətini zəiflətməyə çalışır"