İslamazeri.com "Az.shafaqna.com"a istinadən xəbər verir ki, görüşdə ölkədəki səhiyyə sahəsindəki məsələlər müzakirə olunub.

Görüşdən sonra İran Parlamentinin Səhiyyə Komissiyasının sədri və üzvləri Böyük Mərcə Ayətullah Əl Üzma Seyid Sistaninin tam səlahiyyətli nümayəndəsi Ayətullah Şəhristaninin inşa olunan “Nur” xəstəxana kompleksinə baxış keçiriblər.

Hüseyn Əli Şəhriyari görüş zamanı bildirib ki, bu xəstəxana kompleksi ölkədə ən unikal və möhtəşəm səhiyyə binalarından biridir.

“Mən demək olar ki, ölkədə heç bir xəstəxanada  bu layihənin tikintisində və tikinti texnikasında yüksək standartlara riayət olunmasını müşahidə etməmişəm və bu, dini mərcəiyyətin insanların sağlamlığına qayğı və həssaslığını göstərir.”, -deyə İran Parlamentinin Səhiyyə Komissiyasının sədri Hüseyn Əli Şəhriyari qeyd edib.

Qeyd edək ki, “Nur” xəstəxana kompleksi İranın Qum şəhərində inşa olunur və çox böyük əraziyə, konfrans salonu, yataqxana, məktəb, vertolyot eniş etməsi üçün meydan sahəsi və s. imkanlara malikdir.

İran rəsmiləri Ayətullah Sistaninin nümayəndəsinin inşa etdirdiyi xəstəxana kompleksində olublar - FOTO