1. http://www.islamazeri.com/
  2. XƏBƏRLƏR
  3. DÜNYA

Kateqoriya : XƏBƏRLƏR

DÜNYA

Yayınlanma tarixi:05.02.2019 23:15:42

Freedom House-un illik hesabatında bildirilir ki, Avrasiya ölkələrinin zəngin elitar təbəqəsi hakimiyyəti əldə saxlamaq üçün üstünlüklərindən sui-istifadə edir.

Freedom House-un illik hesabatında bildirilir ki, Avrasiya ölkələrinin zəngin elitar təbəqəsi hakimiyyəti əldə saxlamaq üçün üstünlüklərindən sui-istifadə edir.

Ermənistanda isə bu tendensiyaya son qoyularaq qeyri-polulyar lider hakimiyyətdən uzaqlaşdırılıb və yeni seçkilər yolu ilə islahat tərəfdarı yeni prezident hakimiyyətə gəlib. 

Ermənilər 2018-ci ildə Serj Sarkisyanın prezidentlikdən baş nazir vəzifəsinə keçid cəhdinə etiraz edib. Müxalifət lideri Nikol Paşinyanın rəhbərlik etdiyi etiraz aksiyaları ilə Sarkisyan istefa verməli olub.

Rusiyada jurnalistlər və fəallar hələ də həbs, zorakılıq, hətta qətl riski altında fəaliyyət göstərməkdə davam edir. 2018-ci ildə Rusiyada bir neçə jurnalist müəmmalı şəkildə həyatını itirib.

Hesabatda Özbəkistan və Ermənistanda gedən demokratikləşmə prosesiləri təqdir olunduğu halda Rusiya və Azərbaycan hesabatın bir neçə yerində tənqid edilir.

Qeyd olunub ki, Rusiya prezidenti Vladimir Putin və Azərbaycan prezidenti İlham Əliyev müstəqil media və vətəndaş cəmiyyətinə qarşı repressiyalardan, dövlət resurlarından sui-istifadədən və həqiqi siyasi opponentlərin təqibindən, habelə birbaşa fırıldaqdan faydalanmaqla növbəti müddətə prezidentliklərini təmin edib. 

Hesabata görə, Azərbaycan 2019-cu ildə də "azad olmayan" ölkələr kateqoriyasında qalır. Onun Cənubi Qafqazdakı iki qonşusu - Ermənistan və Gürcüstan "qismən azad" ölkələr hesab edilir.

Təşkilat dünyanın 68 ölkəsinin 2018-ci il ərzində siyasi hüquqlar və vədətdaş azadlıqları baxımından geriləmə müşahidə edildiyini deyir. 50 ölkədə irəliləmə qeydə alınıb.

Hesabatda deyilir ki, 13 il davamlı olaraq qlobal azadlıq sahəsində geriləmə müşahidə edilib.

Hesabatda 195 ölkədə demokratiya və insan haqlarının vəziyyəti təhlil edilib.

Bunlardan 86 ölkə (44 faiz) azad, 59 ölkə (30 faiz) qısmən azad və 50 ölkə (20 faiz) azad olmayan ölkələr kateqoriyasına daxil edilib. 

Hesabatda qeyd olunur ki, getdikcə artan sayda ölkə mühacir, sürgündə olan və diaspora üzvü olan keçmiş soydaşların hədəflənməsi ilə məşğul olub.

Freedom House təşkilatı keçmiş həmvətənləri xaricdə hədəfləyən və onlardan qisas alan 24 ölkəni müəyyənləşdirib. Bunlar arasında Rusiya, Çin, İran, Türkiyə və Səudiyyə Ərəbistanı da var.

Hesabatda azad olmayan 50 ölkə arasında “pisin pisi” kateqoriyası müəyyənləşdirilib.

Bunlar Suriya, Cənubi Sudan, Eritrea, Türkmənistan, Şimali Koreya, Ekvatorial Qvineya, Səudiyyə Ərəbistanı, Somali, Sudan, Tacikistan, Özbəkistan, Mərkəzi Afrika Respublikası və Liviyadır. (Amerikanınsəsi)


Freedom House azad, qismən azad, azad olmayan ölkələrin siyahısını açıqladı: Azərbaycan hansı kateqoriyada?

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Keçmiş KQB zabiti prezidentin müşaviri oldu, ictimaiyyət təsadüfən bildi...
    Gürcüstan prezidenti Salome Zurabişvili SSRİ Dövlət Təhlükəsizliyi Komitəsinin (DTK) keçmiş zabiti Dmitri Lejavanı özünün müdafiə və təhlükəsizlik üzrə müşaviri təyin edib.
     21.08.2019
    "Facebook" sosial şəbəkəsi yeni funksiyanı işə salır.
     21.08.2019

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ