EURO 2,0296 NEFT 57,34
USD 1,7008 RUB 0,0295
  1. http://www.islamazeri.com/
  2. XƏBƏRLƏR
  3. ÖLKƏ

Kateqoriya : XƏBƏRLƏR

ÖLKƏ

Yayınlanma tarixi:09.09.2017 15:37:18

Binəqədi rayonunda bir neçə gündür uzun tıxacların yaranması sakinlərin etirazına səbəb olub.

Sentyabrın 7-i axşam saatlarında təmir olunan əsas yolun bir hissəsinin bağlanması marşrut avtobuslarının hərəkət cədvəlininn pozulmasına səbəb olmuşdu və “Azadlıq prospekti” metrostansiyasından çıxan yüzlərlə qəsəbə sakini yolda qalmışdı. Bir saatdan çox gözləyən vətəndaşlar evlərinə piyada getməyə məcbur olmuşdu.

Hər gün bu yolla işə gedib gələn Binəqədi sakini S.Cavadov bildirib ki, Binəqədi şossesində tıxac tez-tez olur:

“Yol qazılıb, borular çəkilib, amma elə-belə üstü örtülüb. Hər dəfə saatlarla marşrut gözləyirik. Srağagünkü tıxac vaxtı orada yol polisi də var idi, amma kənarda dayanmışdılar, maşınlar bir-birinə girmişdi deyə heç nə edə bilmirdilər.

Yolu düzəltmirlər, qaz, su çəkənlər işləmir, qazıb çıxıb gedirlər. Neçə aydır işi bitirə bilmirlər, dərs başlayacaq, əsl biabırçılıq onda olacaq. Bir yeri sökürlər, sonra üstünü örtürlər, 2 gündən sonra eyni yeri yenidən sökürlər. Marşrutlarda qapı və pəncərə bağlanmadığı üçün söküntünün bütün tozu maşına dolur”.

Bəs qəsəbənin əsas yolunda uzun müddət davam edən problemlər aradan qaldırılmamasının səbəbi nədir?

“Qafqazinfo” əməkdaşları dünən problemə səbəb olan əraziyə baş çəkiblər. Həmin zaman yolda qazıntı işləri aparılıb. Məlum olub ki, qazıntı işlərini “Azərsu” ASC həyata keçirir. Özünü təqdim etməyən iş icraçısı bildirib ki, onlar işə bugündən başlayıblar və tıxac olan gün həmin yolda heç bir təmir işləri aparılmayıb. İcraçı qeyd edib ki, 200 metrlik su borusu çəkəcəklər və bu işlər təxminən 2 günə yekunlaşacaq.

Hazırda qazıntı aparılan yerdən şəhər istiqamətində yolun sağ tərəfi təxminən 3 metr enliyində qaşınaraq avtomobillər üçün yarasız hala salınıb və bir neçə nöqtədə yola iri daş parçaları atılıb. Bu daş parçaları isə daha irihəcmli avtomobillərin də hərəkətini mümkünsüz edib.

Sentyabrın 7-də həmin yolda təmir işləri aparılmayıbsa, saatlarla davam edən tıxaca nə səbəb olub?

Bu suala cavab tapmaq üçün bir neçə müvafiq quruma müraciət etdik.

“Azəravtoyol”un mətbuat katibi Anar Nəcəfli açıqlamasında bildirib ki, həmin tarixdə yolda təmir aparılması üçün hər hansı məlumatı yoxdur:

“Əslində orada kommunikasiya xətlərinin çəkilməsi yay ayında bitməli idi, sonra biz yenidənqurma işlərini sentyabradək bitirməli idik. Çünki yol bərbad vəziyyətdədir. Amma kanalizasiya, su, qaz və digər yeraltı xətlərin çəkilməsi başa çatmadığı üçün biz əsaslı təmirə başlaya bilmədik.

O yolda bir müddət əvvəl qazıntı işləri aparıldığını yolun hərəkət hissəsinin yarısında avtomobillər hərəkət edə bilmir. Günün pik saatlarında avtomobillərin sayı artdığı üçün ola bilsin ki, yol polisi tərəfindən bir istiqamət üzrə yol bağlanılıb. Çünki hər iki istiqamətdən maşınlar gəlib yola daxil olsa, hər iki yolda hərəkət tamamilə dayana bilərdi”.

Tıxacdan bir gün sonra işə başlayan “Azərsu” ASC-nin mətbuat katibi Anar Cəbrayıllı da açıqlamasında deyib ki, sentyabrın 7-də Binəqədi şossesində heç bir təmir işi aparmayıblar:

“Tıxacın səbəbi nə su, nə də kanalizasiya xətlərinin çəkilməsi ilə bağlıdır. Biz həmin yolda yağış kollektorları tikib bitirmişik. Hazırda kiçik bir su xətti çəkilir, bu da yolun kənarındadır, avtomobillərin hərəkətinə mane olmur. “Azərsu” həmin yoldakı işlərini maksimum 1 aya tamamlayacaq. Tıxacın səbəbi ilə bağlı isə yol polisi məlumat verə bilər”.

Bakı Şəhər Baş Dövlət Yol Polisi İdarəsinin sözçüsü, polkovnik Vaqif Əsədovun telefon nömrələrinə 2 gün ərzində zəng çatmadığı üçün məsələyə aydınlıq gətirə bilmədik.


Binəqədidə həll olmayan tıxac problemi: Əsl biabırçılıq onda olacaq... - Video

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • BP-nin Bakıdakı baş ofisində bütün işçilər təxliyyə edildi - FOTO
    Əraziyə yanğınsöndürənlər gəlib.
     25.09.2017
    Ermənistan ordusunda dava düşüb, iki əsgər güllələnib
    Onlar ağır bədən xəsarətləri ilə hospitala təxliyyə ediliblər, vəziyyətləri ağırdır.
     25.09.2017

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ