EURO 1,8962 TRY 0,2805
USD 1,7 RUB 0,0263
  1. http://www.islamazeri.com/
  2. XƏBƏRLƏR
  3. KRİMİNAL

Kateqoriya : XƏBƏRLƏR

KRİMİNAL

Yayınlanma tarixi:14.03.2019 20:41:50

Prosesdə dövlət ittihamçısı ittiham aktını elan edib.

Bakı Ağır Cinayətlər Məhkəməsində qəsdən adam öldürməyə cəhddə və quldurluqda ittiham olunan AMEA Fizika İnstitutunun elmi işçisi, 71 yaşlı Bəkir Rüstəmbəyovun cinayət işi üzrə məhkəmə prosesi keçirilib.

İslamazeri.com Virtualaz.org-a istinadən xəbər verir ki, prosesdə dövlət ittihamçısı ittiham aktını elan edib.

Təqsirləndirilən Bəkir Rüsyəmbəyov ona elan olunmuş ittihamla özünü təqsirli bilib, törətdiyi cinayəti etiraf edib və peşman olduğunu deyib: "Tövbə etmişəm. Bir daha belə bir əməl törətməyəcəyəm".

B.Rüstəmbəyov ifadəsində 90 yaşlı zərərçəkmiş Çingiz Qacarın onun rəhbəri olduğunu deyib: "Çingiz Qacarı uzun illərdir ki, tanıyıram. Səkkiz il bundan əvvəl məni işdən çıxardı. Bu, mənə çox pis təsir eləmişdi. Hər dəfə içkili olanda yadıma düşürdü. Hadisə günü 400 qram viski içmişdim. İçməmişdən əvvəl dovşan idim, içəndən sonra pələng oldum".

Ç.Qacarın evində pul olduğunu bilən B.Rüstəmbəyov sərxoş vəziyyətdə onun yaşadığı ünvana üz tutub: "Hadisədən sonra qorxdum, pulu da orada qoyub qaçdım. Ən böyük günahım isə evdə xadimə işləyən Mətanət Hüseynovanı vurmağım olub. Yeni ildə hər ikisinə zəng edib, məni bağışlamalarını istədim".

Tərəflərin suallarını cavablandıran B.Rüstəmbəyov özünü quldur adlandırıb: "Övladlarım Amerikada yaşayır. Törətdiyim əməldən çox peşmanam. Belə bir əməli ancaq quldurlar edər".

Mənzilə basqın etməkdə məqsədini açıqlayan B.Rüstəmbəyov əldə edəcəyi pullarla viski almaq niyyətində olub: "Amma pulları apara bilmədim".

Məhkəmə prosesi martın 19-da davam edəcək.

Qeyd edək ki, Bakı şəhər sakini B.Rüstəmbəyov Çingiz Qacarın Yasamal rayonu, Ə.Ələkbərov küçəsi, ev 14, mənzil 15 ünvanındakı evinə gələrək, onun əmlakını ələ keçirmək istəyib. Bu məqsədlə özü ilə gətirdiyi çəkiclə Ç.Qacarın və evdə xadimə işləyən Mətanət Hüseynovanın təpə nahiyəsinə zərbələr endirib və xadiməni boğaraq hər iki şəxsin sağlamlığına ciddi təhlükə yaradıb.

İstintaq orqanı tərəfindən Bəkir Rüstəmbəyovun barəsində Cinayət Məcəlləsinin 29,120.2.4-cü (xüsusi amansızlıqla və ya ümumi təhlükəli üsulla adam öldürməyə cəhd etmə) və 181.2.5-ci (quldurluq, silah və ya silah qismində istifadə edilən əşyalar tətbiq edilməklə törədildikdə) maddələri ilə ittiham elan edilib.

Xatırladaq ki, B.Rüstəmbəyov daha əvvəl AMEA Fizika İnstitutunda elmi işçi, zərərçəkmiş fizika-riyaziyyat elmləri doktoru, professor Ç.Qacar isə rəhbər vəzifəsində çalışıb.


Bakıda 71 yaşlı alimin 90 yaşlı professorun evinə basqın etməsilə bağlı məhkəmə prosesi keçirilib

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Azərbaycanda külək enerjisi istehsalı 7,5 dəfə artıb
    Enerji istehsalının 7 435,2 mln. kVt/saatı istilik elektrik stansiyalarının istehsalıdır ki, bu da 2018-ci ilin dörd ayının göstəriciləri ilə müqayisədə 5,9% çoxdur.
     20.05.2019
    Səhiyyə Nazirliyi aksiya keçirən şəxsin iddialarına münasibət bildirib
    Səhiyyə Nazirliyi bu qurumun qarşısında aksiya keçirən Teymur Kərimovun ittihamlarına münasibət bildirib.
     20.05.2019

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ