EURO 1,927 TRY 0,3195
USD 1,7 RUB 0,0259
  1. http://www.islamazeri.com/
  2. TƏHLİL
  3. ARAŞDIRMA

Kateqoriya : TƏHLİL

ARAŞDIRMA

Yayınlanma tarixi:02.02.2019 12:19:52

Azərbaycan xaricə neftdən başqa nə satır? Bu sualın cavabını araşdırmaq üçün İqtisadi İslahatlar Mərkəzinin hazırladığı “İxrac İcmalı”nı təhlil etdik.

Azərbaycan xaricə neftdən başqa nə satır? Bu sualın cavabını araşdırmaq üçün İqtisadi İslahatlar Mərkəzinin hazırladığı “İxrac İcmalı”nı təhlil etdik.

Oxu.Az xəbər verir ki, Azərbaycanın ixrac etdiyi məhsulların növləri getdikcə artır, eyni zamanda ixrac həcmi ilbəil artım tendensiyası göstərir. 

“Dollara gedən” meyvə-tərəvəzimiz artıb 

Azərbaycana ən çox valyuta meyvə-tərəvəz sektorundan daxil olub. Belə ki, 2018-ci ildə 559 milyon dollarlıq meyvə-tərəvəz satmışıq və bu göstərici 2017-ci ilə nisbətdə 11 faiz çoxdur. 

Plastmas və onlardan hazırlanan qabların xarici alıcıları il ərzində 17 faiz artıb və bu məhsullardan ölkəmizə 118 milyon dollar daxil olub. 

Valyuta daxilolmalarında 86,2 milyon qara metallar və onlardan hazırlanan məmulatların payına düşür. 

2017-ci illə müqayisədə 2018-ci ildə ən böyük artım isə 2,4 dəfə olmaqla pambıq liflərində qeydə alınıb və məbləğ olaraq Azərbaycana 80 milyon dollar gəlir gətirib. Pambıq ipliyinin satışı isə bir ildə 49 faiz yüksələrək 23,7 milyon dollar olub. Ölkəmiz elektrik enerjisinin ixracatçısı kimi 65,6 milyon dollar qazanıb.

Pomidor birinciliyi əldən vermir

Xarici dövlətlərə satılan əsas qeyri-neft məhsullarının siyahısına pomidor başçılıq edir. Azərbaycana pomidor 117 milyon dollarlıq valyuta gətirib və bu ötən ildəkindən 25,8 milyon dollar çoxdur. 

İkinci yerdə qızıl satışı qərarlaşıb və bu məhsul ölkəmizə 118 milyon dollar qazandırıb, əgər müqayisə aparsaq 2018-ci ildə qeydə alınan bu göstərici 2017-ci ilin eyni dövrü ilə müqayisədə 7,4 milyon dollar azdır, başqa sözlə qızıl satışı düşüb. 

Ölkəyə xurma satışından 114,5 milyon, fındıq ləpəsinin satışından 93 milyon dollar daxil olub. 

Qeyd edək ki, 2018-ci ildə Azərbaycanın ixrac etdiyi fındığın bir neçə partiyasında xəstəlik aşkar edildiyindən geri qaytarılmışdı və ötən il fındıq satışı 2017-ci illə müqayisədə 21 milyon dollar azalıb.

İxrac yolları daha çox Rusiyaya aparır  

Azərbaycan məhsullarının alıcıları arasında Rusiya öndədir. Azərbaycan qeyri-neft məhsullarının 63,8 milyon dollarını şimal qonşusunun böyük bazarlarında realizə edib. Türkiyəyə satdığımız məhsullar isə 2017-ci illə müqayisədə 2018-ci ildə 4,2 milyon dollar azalıb və cəmi 23,6 milyon dollar təşkil edib. 

İxracda ən böyük azalma isə Gürcüstanla qeydə alınıb və 2017-ci ildə bu ölkəyə 17,4 milyon dollarlıq Azərbaycan məhsulu ixrac olunduğu halda, 2018-ci ildə bu rəqəm 10 milyon dollar azalaraq cəmi 7,4 milyon dollara enib. Əvəzində isə İsveçrə və İrana ixrac artıb - 12,2 milyon dollar dəyərində İsveçrəyə, 5,4 milyon dollar dəyərində İrana məhsul satmışıq.

Hansı şirkətlər liderdir?  

Bəs, məhsulları dünyada tələb olunan Azərbaycan şirkətləri hansılardır? Əgər “İxrac İcmalı”na baxsaq, özəl sektorda “Azərbaycan İnterneyşnl Mayninq Kompani Limited Şirkəti” liderdir və bu qurum ölkəyə 106,1 milyon dollar gətirib. 

Dövlət sektorunu təmsil edən “Marketinq və İqtisadi Əməliyyatlar İdarəsi” 181,5 milyon, “Azərkosmos” 25,6 milyon dollarlıq xidmət ixrac edib. Dövlət sektorunda “Azərenerji” və “Azal”ın xətti ilə daxil olan valyuta da artıb.   

Ümumilikdə ixracatçı özəl və dövlət şirkətlərinin siyahısı aşağıdakı kimidir:


Azərbaycan xaricə neftdən başqa nə satır? - TƏHLİL

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Bakıda körpüdə ağır qəzanın görüntüləri yayıldı - VİDEO
    Ötən gün Bakıda körpüdə aşan avtomobilin videogörüntüləri yayılıb.
     23.02.2019
    Suriyadan İraqa 40 üstü bağlı yük maşını keçib
    Suriya İnsan Haqqları Müşahidə Təşkilatı açıqladı
     23.02.2019

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ