1. http://www.islamazeri.com/
  2. XƏBƏRLƏR
  3. DÜNYA

Kateqoriya : XƏBƏRLƏR

DÜNYA

Yayınlanma tarixi:13.01.2020 23:39:06

İranın ABŞ bazasına hücumu zamanı orada olan danimarkalı hərbçi baş verənlər haqda maraqlı açıqlamalar verib.

İslamazeri.com xəbər verir ki, İraqdakı beynəlxalq koalisiya qüvvələrinin rəsmisi - danimarkalı serjant Con “TV 2” telekanalına müsahibə verib.

Adıçəkilən hərbçi Küveytdə telekanalın müxbiri ilə söhbət edib. Qeyd edək ki, ABŞ-ın Eyn əl-Əsəd bazasındakı hərbçilərin əksəriyyəti məhz Küveytə təxliyyə edilib.

Serjant və onun xidməti yoldaşları hücumdan bir neçə saat öncə bu barədə xəbərdar ediliblər. Onlar hamısı bunkerlərdə gizlənib.

Çox dəhşətli idi. Bunu təsvir etmək mümkün deyil. Mən heç kəsə belə bir şey arzu etməzdim. Biz heç nə edə bilmirdik, bizə mövcud vəziyyəti sadəcə qəbul etmək qalırdı. Nə qədər gözlədiyimizi bilmirəm, təxminən bir neçə saat (olardı).

Daha sonra hücum başladı.

Hər biri bir ton olan 9 raket... Mən heç vaxt belə bir şey yaşamamışdım və ümid də edirəm ki, bu, heç vaxt təkrarlanmayacaq”, - deyə serjant bildirib.

Onun sözlərinə görə, hücum o qədər güclü idi ki, bunker (raket zərbələrinin təsirindən) titrəyirdi və içəriyə böyük miqdarda toz daxil olurdu. Əsgərlər, rahat tənəffüs üçün üzlərini şərflərlə örtərək gözləməli oldular. Danimarka əsgərləri üçün ən ağır imtahan isə (baş verənlərlə bağlı) xəbərsizlik və acizlik idi.

Növbəti zərbənin nə vaxt olacağını bilmirdik. Biz təlimlərdə öyrəndiyimiz heç bir bacarığı tətbiq edə bilmirdik. Sadəcə oturub gözləmək qalırdı.

Hərbçilər vəziyyətə fərqli-fərqli reaksiya verirdilər.

Bəziləri ürəklənmək üçün lətifələr danışırdılar. Digərləri özlərinə qapanırdılar. Başqaları isə göz yaşlarını saxlaya bilmirdilər.

Raket zərbələri bitdikdə, əsgərlər çölə çıxdı.

Çöldə yandırılmış səhra görəcəyimizə əmin idik və hər şeyin birbaşa başımızın üzərində baş vermədiyini anladıqda çox təəccübləndik. Mənim fikrimcə, ən yaxın raket bizim 300 yardlığımıza düşüb (təxminən 274 metr). Ətrafı dolaşmağa başlayanda içərisində furqonların yerləşə biləcəyi deşiklər gördük”, - deyə o xatırlayır.

O əlavə edib ki, “hazırda Küveytə, əsgərlərə mənfi hadisədən düzəlmələrinə kömək etmək üçün psixoloqlar gəlməkdədir”.

Bizim həqiqətən onlara (psixoloqlara) ehtiyacımız var. Biz bu cür hadisəyə hazır deyildik”, - deyə o qeyd edib.


Avropalı hərbçi İranın ABŞ-a hücumundan danışdı: Dəhşətli idi! Əsgərlər ağlayırdı... Aciz idik... - VİDEO

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Vandallar Qüdsdə məscidi yandırıblar - FOTO
    Radikal yəhudilərin məscid və evlərə ilk hücumu deyil
     25.01.2020
    Pentaqonun etirafı; İran hücumunda yaralıların sayı 34 olub
    Jonathan Hoffman yaralı hərbçilərin müalicə almalarının davam etdiyini deyib
     25.01.2020

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ